عشاء ملكي في الأهرامات

اكيد كلنا متابعين اليومين دول الزياره اللي بيقوم بها ملك اسبانيا ومعاه الملك المصر ولقاء الرئيس عبد الفتاح السيسي وحرمه.

ولكن الموضوع مش مجرد زياره، فالرئيس عبد الفتاح السيسي قرر انه يعمل عشاء ملوكي بجد في الاهرامات لملك اسبانيا وحرمه.

لماذا اختار الرئيس السيسي الأهرامات؟

طيب اش معنى الاهرامات؟ ليه ما راحش لمصر القديمه والحسين زي ما عمل مع ماكرون رئيس فرنسا؟
هنقول لكم ليه: الرئيس عبد الفتاح السيسي ومعاه حرمه السيده انتصار السيسي عمل عزومه عشاء تكريما لملك اسبانيا فيليب السادس ومراته الملكه ليتيزيا بمناسبه زيارتهم لمصر.

جولة عند الأهرامات وأبو الهول

ووفقا لبيان الرئاسه، الرئيس السيسي وحرمه اصطحبوا ملك وملكه اسبانيا بعد العزومه في جوله عند اهرامات الجيزه وابو الهول.

وتصوروا لقطات تذكاريه علشان توثيق اللحظه دي، وكمان سمع الضيفين شرح سريع عن تاريخ ابو الهول والرمز الحضاري الكبير اللي بيمثله.

شراكة استراتيجية بين مصر وإسبانيا

السيسي رحب بالملك فيليب السادس واكد ان الزياره دي تعتبر دفعه قويه لطريق الشراكه الاستراتيجيه بين مصر واسبانيا.

ومن ناحيته، الملك عبر عن سعادته وفخره بزياره مصر، وجه شكره وتقديره للرئيس عبد الفتاح السيسي على كرم الضيافه وحفاوه الاستقبال.

نتائج المباحثات بين الرئيس السيسي وملك إسبانيا

بحسب البيان المصري، الملك الاسباني اشاد بالنتائج اللي طلعت من مباحثاته مع الرئيس عبد الفتاح السيسي واللي هتساهم في تقويه العلاقات بين البلدين بشكل واضح.

توافق في وجهات النظر

خصوصا مع وجود توافق بين وجهات النظر بين الجانبين بخصوص قضايا كثير مشتركه.

محاور المباحثات

المتحدث قال ان اللقاء اتكلم عن جوانب مختلفه في العلاقات بين مصر واسبانيا خصوصا في الاقتصاد والاستثمار.

واوضح ان السيسي قدر التعاون الثقافي اللي موجود من زمان بين البلدين من ستينات القرن اللي فات، واكد على اهميه تكثيف التعاون في مجال الاثار.

التعاون الأكاديمي والثقافي

كمان استكشاف فرص لتنظيم فاعليات ثقافيه وفنيه مشتركه بالاضافه لتقويه التعاون الاكاديمي والتعليمي علشان ده يقرب اكث بين الشعبين.

التعاون في مجال السياحة

المتحدث كمل وقال ان المباحثات جابت سيره التعاون في السياحه وتبادل الخبرات مع السعي لزياده حركه السياحه بين مصر واسبانيا.

وده في ظل ان البلدين عندهم مقاومات سياحيه مميزه خصوصا مع قرب افتتاح المتحف المصري الكبير.

سر اختيار جولة الهرم

وهنا بقى السر: الرئيس عبد الفتاح السيسي اختار ان الجوله تبقى في الهرم علشان قرب افتتاح المتحف المصري الجديد جنب الهرم.

وكمان علشان مشاركه اسبانيا في مشروع اضاءه الهرم الاكبر.

افتتاح المتحف المصري الكبير

مع قرب يوم 1 نوفمبر، مصر داخله على مرحله جديده في مسيرتها الحضاريه والثقافيه مع افتتاح المتحف المصري الكبير.

اكبر صرح اثري في العالم اللي الناس مستنيا من سنين، واللي هيكون هديه من مصر للعالم كله ومكان بيجسد عظمه الحضاره المصريه القديمه لكن بشكل عصري.

خطة تطوير المنطقة المحيطة بالمتحف

الحكومه ماركزتش بس على تجهيز المتحف نفسه، لكن كمان عملت خطه كامله لتطوير المنطقه اللي حواليه وتجهيز البنيه التحتيه والطرق ووسائل النقل الحديثه علشان كل ده يكون في مستوى المكانه العالميه للمتحف.

نسبة إنجاز المشروع

المتحدث الرسمي باسم مجلس الوزراء المستشار محمد الحمصاني اكد ان نسبه انجاز المتحف عدت 95%، وان الجزء الاكبر خلاص خلص والباقي دلوقتي لمسات اخيره بسيطه.

تحسين المشهد البصري

واضاف كمان ان في اهتمام خاص بزياده المساحات الخضراء وتحسين المشهد البصري في مناطق حوالين المتحف، والاعمال ال دي ما بيشكلش اكث من 5% من اجمال المشروع.

المتحف المصري الكبير مشروع حضاري

المتحف المصري الكبير جاي يغير مفهوم العلاقه بين التراث والبيئه.

وهو مش مجرد مخزن ضخم للاثار ولا حتى واجهه سياحيه جديده، لكنه مشروع حضاري بيجمع ما بين الحفاظ على الماضي وصناعه المستقبل.

تصميم عصري صديق للبيئة

وما بين جمال العماره العصريه ومتطلبات التكيف مع التغير المناخي.

تصميم المتحف اتعمل علشان ينسجم مع البيئه المحيطه مش يتعارض معاها.

الوجهات الزجاجيه الضخمه بتخلي ضوء الشمس الطبيعي يدخل طول النهار وده بيقلل الاعتماد على الاضاءه الصناعيه وبيوفر طاقه كبيره.

اما السقف العاكس للحراره فبيقلل امتصاص اشعه الشمس. وكمان المواد العازله اللي استخدمت في البناء بتخفض الحمل الحراري وده بدوره بيخفف من الضغط على انظمه التبريد جوه المتحف.